Күйөөсү таштап кеткен 1-топтогу майып аял Айзада Кожобергеновага көмөк көрсөтүү уланууда. Буга чейин ал көксөп жүргөн максатына жетип, үйлүү болгон. Үй тоюн берип жатканда ага активистАзамат Байматов жана КРнын Эмгек жана социалдык өнүктүрүү министрлиги биргелешип, 2 майып арабасын белек кылышты.

SUPER.KG порталына кайрымдуу мекендешибиз Азамат Байматов билдиргендей, арабалардын бири үйдүн сыртында, экинчиси үйдүн ичинде жүрүүгө ылайыкташкан. “Айзаданын уулунун аты – Белек. Ага дагы велосипед берилди. Биз акча тартыш болуп, министрликке кайрылганбыз. Министрлик сунушту четке какпай, сунушубузду орундатты. Жыйынтыгы жакшы, буюрса”, – дейт ал.

Кошумчалай кетсек, Айзада Кожобергенованы жолдошу таштап кеткен. Өзү кыйналып басканына карабай уул тарбиялап келет. Өткөн жылы ал активисттердин аракети менен үйлүү болгон.