Ош шаарынын мэри Таалайбек Сарыбашовдун мүмкүнчүлүгү чектелген жарандарга жардам көрсөтүү демилгесин “СARS” такси кызматы колдоого алды. Бул тууралуу Ош шаардык мэриясынын маалымат кызматы билдирди.

“САRS” такси кызматынынын башчысы Элдияр Омурзаковдун айтымында, Ош шаарынын аймагында мүмкүнчүлүгү чектелген жарандар үчүн жол акы 50% гана алынат.

Буга чейин шаар мэри мүмкүнчүлүгү чектелген жана жардамга муктаж жарандарга өз каалоолору менен көмөк көрсөтүүгө чакырган.

Ош: “СARS” такси мүмкүнчүлүгү чектелгендерге 50% арзандатуу менен кызмат көрсөтөт