SUPER.KG порталынын “ЭЛДИК КАБАР” бөлүмүнө жөлөк пул боюнча кайрылган окурмандардын саны арбын. Алардын бири Жалал-Абад облусунун Токтогул районуна караштуу Кызыл-Өзгөрүш айылынын тургуну. Ал 7 баласы бар экенин, алардын ичинен бешөөнө жөлөк пул чыгара албай жатканын айтты.
“Токтогул районунун Кызыл-Өзгөрүш айылында да жөлөк пул алуу курч маселе. Себеби менин 7 балам бар, анын бешөөнө жөлөк пул алыш тозок. 6 ай документ даярдап да алган жокпуз. Каза болгон атаңдын кара кагазы жана башка деп жатып дагы деле жөлөк пулдан дайын жок.
Айылда отуз-кырк ую бар, катар тамдары барлар жөлөк пул, пенсия алышат. Мен ден соолугумдун мүмкүнчүлүгү чектелген болсом да пенсия, жөлөк пул албайм же иштебейм”, – деп билдирди жергиликтүү тургун.
Буга чейин Ош облусунун Ноокат районунун тургуну кайрылып, коррупциянын айынан жөлөк пул чыгаруу кыйынчылык туудурганын айткан.
Leave a Reply