Ҳеч қандай ҳужжати йўқ фуқаро қандай алимент тўлайди?

6

“Ынтымак” телерадиокомпаниясига Рўзихон исмли Ўш шаҳрининг яшовчиси мурожаат қилиб, тўрт йил аввал куёвидан ажралганини, бироқ умр йўлдошининг ҳеч қандай ҳужжати йўқлиги сабабли алимент ололмаётагини маълум қилди.

-Беш йил аввал турмуш қурганмиз. Ўзаро келиша олмасдан бир йилдан кейин ажралиб кетдик. Ўшандан бери чақалоғим билан ота-онамнинг уйида тураман,- дейди Рўзихон.

Бу масала бўйича ҳуқуқшунос М.Жорокулов шундай жавоб берди:

– Агар турмуш қурган ёшлар ФҲДЁ (ЗАГС)дан ўтмаган бўлса, унда алимент отасини аниқлаш жараёнидан кейин тўланиши керак. Агар ота бўлмишнинг шаҳсини тасдиқлаган ҳеч қандай ҳужжати бўлмаса, унда томонлар ўзаро келишиб, икки томонлама шартнома тузгандан кейин, ота боласи учун моддий ёрдам кўрсатиши мумкин.

Ҳуқуқшуносларнинг сўзларига кўра, бу шартнома нотариал кучга эга бўлади.

Боланинг отаси Дониёр Бегматов эса, ўғли учун алимент тўлашга рози эканини маълум қилди.

Мақола БМТТД ва Финландия ташқи ишлар вазирлиги ҳамкорлигидаги «Қирғизистон Республикасида суд адолатидан фойдаланишни кенгайтириш” ва “Барқарор тинчликни таъминлаш мақсадида ҳуқуқ ҳамда адолат устуворлигини такомиллаштириш” лойиҳалари кўмагида тайёрланди.

Хилола Ашурова, Биз, 18.01.2016

Оставьте первый комментарий

Оставить комментарий

Ваш электронный адрес не будет опубликован.


*