Юристтердин кесиптик майрамын утурлай Юстиция министрлиги тарабынан жарандарга акысыз юридикалык кеңеш берүү кызматтары уюштурулат. Бул тууралуу Sputnik Кыргызстан агенттигине Юстиция министрлигинин медиа эксперти Гүлзада Шаршеналиева билдирди.

Иш-чара 22-23-июнь күндөрү “Укугуңду бил” ураанынын астында бүтүндөй республика боюнча өтөт.

 Укуктук жардам юстиция министрлигинин юристтери тарабынан жазуу жана оозеки түрүндө берилет. Акысыз юридикалык жардам берүү пункттары жергиликтүү өзүн-өзү башкаруу органдарынын имараттарында жана калктуу жайларга жайгаштырылат.

Уюштуруучулардын билдирүүсүнө ылайык, иш-чаранын негизги максаты — жарандардын укугун коргоо, калктын укуктук сабатын жана маданиятын жогорулатуу менен жергиликтүү бийлик, юристтер жана калктын өз ара мамилесин бекемдөө болуп саналат.

БИШКЕК, – Sputnik

22.06.2016

sputnik.kg/society/20160622/1026815298.html