Тагдыр: Жалгыз бой Б.Элгонова майып кызын дарылатуу үчүн кыйынчылыкка кабылууда (фото)

Кара-Буура районунун Шекер айылындагы жалгыз бой эне Бактыүл Элгонова 12 жаштагы майып кызын дарылатуу үчүн жардамга муктаж. Аймактык кабарчы алардан кабар алды.

Маалым болгондой, жолдошу 8 жыл мурун таштап кеткен. Ошондон бери 3 кызын өзү жалгыз тарбиялап келет.

«Улуу кызым 8-класс. Андан кийинки кызым 2005-жылы төрөлгөн. Кичүү кызым 2-класста окуйт. Өз үйүбүз болбогондуктан Шекерде таанышыбыздын бош калган үйүндө турабыз. Ортончу кызым Гүлнур Төрөбекованын буту ооруп, 2012-жылдан бери бир топ операция жасалды. Бишкекте №4 ооруканада текшерткенде “төрөт учурунда жамбаш сөөгү жылган, кичине кезинде көрбөй калып, чоңойгон сайын жиликтин башы желип, ириңдеп кеткен” деп айтышты. Кызым 2012-жылы баспай калып, Кара-Буурада операция жасашты. Мектепке өзүнөн 1 жаш кичүүлөр менен окуп калды. 2015-жылы кайрадан баспай калып, окууга дагы барбай калган. Азыр операциядан кийин балдак менен басат. Оң бутунан сол буту кыска болуп, жерге буту тийбейт. Дарыгерлер «кийинки кадамдарын 15 жашка чейин дарылануу процессинен өткөн соң гана айта алабыз» деген. Кызым катуу ооругандан кийин жөлөк пул бере башташты. Айына 3 кызыма 2400 сом алам. 2 ай сайын кызымды Бишкектен дарылануудан өткөрүп турам. 1 айлык дарысын 1400 сомго алам. Эч жерде иштебейм. Жакында “март айынан баштап 1 кызыңа гана жөлөк пул аласың” деп айтышты. Кандай жашоо кылабыз белгисиз», – деди апасы.

Turmush 

05.01.2018

http://www.turmush.kg/news:337882

Be the first to comment

Leave a Reply

Your email address will not be published.


*