Баткенде 20 жыл мурун мектепти аяктаган бүтүрүүчүлөр ден соолугунан мүмкүнчүлүгү чектелген кишиге автоунаа белек кылды. Бул тууралуу муфтияттан билдиришти.

Маалыматка ылайык, Кадамжай районунун Кара-Жыгач айылындагы №22 “Дыйкан” орто мектебин бүтүргөндөр имамдын демилгеси менен 100 миң сомго Daewoo Matiz үлгүсүндөгү унааны тартуулашкан.Белекти алган Жусуп Адамов буга чейин велосипедге таянып басып жүргөн. 20 жылдыктар мындан башка дагы беш үй-бүлөгө азык-түлүк таратып, кубандырган.

Буга чейин аталган райондогу бүтүрүүчүлөр биринчи мугалимине 700 миң сомго батир алып беришкен.